Кетебай күмбезі

Кетебай күмбезі
Жалпы мәлімет
Статусы	Республикалық маңызы бар тарих және мәдениет ескерткіші
Сәулет стилі	қала құрылысы және сәулет
Орналасуы	Ұлытау облысы, Малшыбай ауылынан оңтүстік-шығысқа қарай
Биіктігі	есігі бар бөлігінің биіктігі 5,55 м, іргетасынікі – 80 см.

 Басқа мағыналар үшін Кетебай деген бетті қараңыз.

Кетебай күмбезі – Ұлытау облысының республикалық маңызы бар тарих және мәдениет ескерткіштері тізіміне енген сәулет өнері ескерткіші.

Ұлытау облысы Ұлытау ауданындағы Малшыбай ауылынан оңтүстік-шығысқа қарай 20 км жерде, Қаракеңгір өзенінің сол жағалауында орналасқан.

Күмбез 1898 жылы, әрі би, әрі батыр Кетебай Жолайұлына арнап тұрғызылған. Ауданы 6,556,35 м, есігі бар бөлігінің биіктігі 5,55 м, іргетасынікі – 80 см. Ғимараттың іші мен сырты күйдірілген кірпішпен қапталған. Ол төрт бұрышты пішінінен дөңгелек күмбезге бұрыштық қуыстар арқылы жалғасады. Қос қатарлы жиегі бас қасбетінің жоғарғы бөлігін көріктендіре түседі. Басқа қасбеттері “шырша” тәрізді етіп кірпішпен өріліп қаланған. Оңтүстік-батысқа қараған кіре беріс ойығы күмбезбен жабылған, ал осы ойық қуысының аркасы (дарбазасы) дөңгелек медальонның төрттен үш бөлігі секілденіп біткен. Қазір ескерткіштің жоғары жағы қираған.
Кетебай күмбезі 1982 жылы Республикалық маңызы бар тарих және мәдениет ескерткіштерінің мемлекеттік тізіміне енді.

Ұлытау облысындағы республикалық маңызы бар тарих және мәдениет ескерткіштері Жаңаарқа ауданында Айдарлы қорымдар тобы • Саңғыру қорымдар тобы • Саңғыру II қорымы • Айшырақ қорымы • Жұбан ана күмбезі Ұлытау ауданында Айранбай күмбезі (Бескүмбез) • Аяққамыр күмбезі • Алаша хан күмбезі • Жошы хан кесенесі • Дүзен кесенесі • Домбауыл кесенесі • Лабақ күмбезі • Кетебай күмбезі • Болған ана күмбезі • Басқамыр қалашығы • Мақат сағанасы • Ақмешіт әулие кешені