Ерлан Жақанұлы Қошанов

Ерлан Жақанұлы Қошанов (14 тамыз 1962, Ақсу-Аюлы) — қазақстандық саясаткер және экономист, 2022 жылғы 1 ақпаннан бергі Мәжіліс төрағасы, сол жылғы 26 сәуірден бергі Аманат партиясының басшысы.

Ерлан Жақанұлы Қошанов
Қошанов, 2023 жыл
Лауазымы
Ту 10-Мәжіліс төрағасы Ту
1 ақпан 2022 жылдан бастап
Бірігіп басқарушы	Орынбасарлары Альберт Рау (2023–) Дәния Еспаева (2023–) Павел Казанцев (2022–2023) Балайым Кесебаева (2022–2023)
Президент	Қасым-Жомарт Тоқаев
Ізашары	Нұрлан Нығматулин
Ту Аманат партиясының 3-төрағасы Ту
26 сәуір 2022 жылдан бастап
Бірігіп басқарушы	Атқарушы хатшысы Асхат Оралов Елнұр Бейсенбаев Дәулет Кәрібек
Ізашары	Қасым-Жомарт Тоқаев
Ту Қазақстан Мәжілісі VII және VIII сайланымының депутаты Ту
1 ақпан 2022 жылдан бастап
Ізашары	Нұрлан Нығматулин
Ту Қазақстан президенті Әкімшілігінің 18-басшысы Ту
18 қыркүйек 2019 — 1 ақпан 2022
Президент	Қасым-Жомарт Тоқаев
Ізашары	Қырымбек Көшербаев
Ізбасары	Мұрат Нұртілеу
Ту Қарағанды облысының 9-әкімі Ту
14 наурыз 2017 — 18 қыркүйек 2019
Президент	Нұрсұлтан Назарбаев Қасым-Жомарт Тоқаев
Ізашары	Нұрмұхамбет Әбдібеков
Ізбасары	Жеңіс Қасымбек
Ту Премьер-Министр Кеңсесінің басшысы Ту
2 ақпан 2012 — 14 наурыз 2017
Президент	Нұрсұлтан Назарбаев
Премьер-Министр	Кәрім Мәсімов Серік Ахметов Кәрім Мәсімов Бақытжан Сағынтаев
Ізашары	Ғабидолла Әбдірахымов
Ізбасары	Нұрлан Алдабергенов
Ту Қазақстан Сенаты I сайланымының депутаты Ту
1995 — 1999
Өмірбаяны
Партиясы	Аманат
Білімі	Қарағанды политехникалық институты (1984) КСРО Сыртқы сауда академиясы жанындағы Жоғары коммерция мектебі (1991) Қазақ мемлекеттік басқару академиясы (1999)
Мамандығы	инженер-механик экономист
Дүниеге келуі	14 тамыз 1962 (1962-08-14) (63 жас) Ақсу-Аюлы, Жезқазған облысы, Қазақ КСР, КСРО
Жұбайы	Гүлжан Абауова
Балалары	2
Марапаттары	Барыс ордені Құрмет ордені
Ерлан Жақанұлы Қошанов Ортаққорда
өңдеу

Өмірбаяны

Қошанов 1962 жылғы 14 тамызда Қарағанды облысындағы Ақсу-Аюлы жерінде туған. Арғын тайпасы Қаракесек руы Қырғыз бөлімінен шыққан. 1984 жылы Қарағанды политехникалық институтын инженер-механик мамандығы бойынша бітірді. 1991 жылы КСРО Сыртқы сауда академиясы жанындағы Жоғары коммерция мектебін бітіріп, 1999 жылы Қазақ мемлекеттік басқару академиясында экономист мамандығын алды.

Институтты бітірген соң Жезқазған кен-металлургия комбинаты байыту фабрикасының слесары, шебері болып істеді.

1988—1990 жылдары Қазақстан ЛКЖО Жезқазған облыстық комитетінің жұмыскер және ауыл жастары бөлімінің нұсқаушысы, жастар проблемаларының әлеуметтік-экономикалық бөлімінің меңгерушісі.

1990—1995 жылдары Жезқазған облыстық сыртқы экономикалық байланыстар комитетінің жетекші маманы, бөлім бастығы, төрағасының орынбасары, төрағасы секілді қызметтер атқарды.

1995—1999 жылдары Парламент Сенатының депутаты болып сайланды.

1999—2001 жылдары Үкіметтің Парламенттегі өкілі, оған қоса 2001—2003 жылдары Премьер-Министр Кеңсесі Басшысының орынбасары болды.

2003—2006 жылдары Қазақстан Республикасының Көлік және коммуникация вице-министрі, 2006—2007 жылдары Көлік және коммуникация министрлігі Азаматтық авиация комитетінің төрағасы болды.

2007—2012 жылдары Премьер-Министр Кеңсесі Басшысының орынбасары — Үкіметтің Парламенттегі өкілі, 2012—2017 жылдары Премьер-Министр Кеңсесінің Басшысы болып қызмет атқарды.

2017 жылғы 14 наурызда президент Назарбаевтың Жарлығымен Қарағанды облысының әкімі қызметіне тағайындалды.

2019 жылғы 18 қыркүйек күні президент Тоқаевтың Жарлығымен Президент Әкімшілігінің Басшысы болып тағайындалды.

2012, 2016, 2021 жылдары «Нұр Отан» партиясының партиялық тізімі бойынша V, VI, VII шақырылымдағы ҚР Парламенті Мәжілісі депутаттығына кандидат болды.

2022 жылы 1 ақпанда өз еркімен отставкаға кеткен Нұрлан Нығматулиннің орнына ҚР Парламенті Мәжілісінің VII шақырылым депутаты болып тіркеліп, Мәжіліс төрағасы болып сайланды. 2023 жылғы 29 наурызда Мәжілістің VIII шақырылым Төрағасы болып қайта сайланды.

2022 жылы 15 ақпанда «Nur Otan» (қазіргі «Amanat») партиясының Мәжілістегі фракция жетекшісі болып сайланды. 2023 жылы 29 наурызда фракцияға жетекшілік етуді партияның атқарушы хатшысы Елнұр Бейсенбаевқа тапсырды.

2022 жылы 26 сәуірде «Аманат» партиясының төрағасы болып сайланды. 2022 жылғы қарашадағы Президент сайлауында Қасым-Жомарт Тоқаевтың сайлауалды штабын басқарды.

Отбасы

Әкесі — Жақан Қошанов (марқұм), партиялық-кеңестік қайраткер. Анасы — Сәуле Қошанова (марқұм), орыс тілі және әдебиеті пәнінің мұғалімі.

Үйленген, екі қызы бар.

Інісі Ғазиз Қошанов (1964 ж. туған) — инженер, 2022 жылдан бастап ҚазТрансОйлдың басқарушы директоры.

Марапаттары

• Құрмет ордені (2007)
• Парасат ордені (2013)
• І дәрежелі Барыс ордені (2021)

Дереккөздер

1. Мәжіліс төрағасы сайланды
2. Ерлан Қошанов Nur Otan партиясы фракциясының жетекшісі болып сайланды
3. Мәжілістегі AMANAT фракциясының жетекшісі сайланды
4. Қасым-Жомарт Тоқаевтың сайлауалды штабын Ерлан Қошанов басқарады
5. Карим Масимов представил коллективу Канцелярии Премьер-министра РК нового руководителя
6. Изменен состав Правления АО "КазТрансОйл"