Жаңасібір облысы

Жаңасібір облысы (орыс. Новосиби́рская о́бласть) — Ресей Федерациясындағы әкімшілік субъект. Сібір федералды округінің құрамына кіреді. Әкімшілік орталығы — Жаңасібір қаласы.

Облыс 1937 жылдың 28 қаңтарында Батыс сібір өлкесінің Жаңасібір облысы және Алтай өлкесіне бөлінуі кезінде құрылған. Кейін 1943 жылы облыс құрамынан Кемерово облысы, ал 1944 жылы Томск облысы бөлініп шықты.

Географиясы

Жаңасібір облысы Батыс Сібір жазығының оңтүстік-шығысында орналасқан. Облыс территориясының ауданы 178,2 мың км². Облыс батыстан шығысқа қарай — 642 км-ге, ал солтүстіктен оңтүстікке — 444 км-ге созылуда. Солтүстігінде — Томск облысымен, оңтүстік-батысында — Қазақстанның Павлодар облысымен, батысында — Омбы облысымен, оңтүстігінде — Алтай өлкесімен, шығысында — Кемерово облысымен шектеседі.

Халқы

2012 жылдың 1 қыркүйегінде Ресей мемлекеттік статистикасының Федералды қызметінің мәліметі бойынша Жаңасібір облысында 2 694 310 адам тұрады.

2002 жылғы бүкілресейлік халық санағының мәліметтері бойынша Жаңасібір облысындағы халық саны 2 692 251 адамды құрады, халқының саны бойынша облыс СФО-нде 3-орын, жалпы Ресей бойынша 16-орын алады. Халық тығыздығы — 1 км²-ге 14,9 адам (2005) Халық тығыздығы бойынша Сібір федералды округінде 3-орынға ие.

Қала халқының үлесі — 77,1 % (СФО-нде — 70,5 %; РФ-та — 73 %), ауыл халқы — 22,9 % (СФО-нде — 29,5 %; РФ-та — 27,0 %). Урбандалу көрсеткіші бойынша Сібір федералды округінде 4-орында.

Халқының ұлттық құрамы

2002 жылғы бүкілресейлік халық санағының мәліметтері бойынша (адам):

Орыстар — 2 504 147 Немістер — 47 275 Украиндар — 33 793 Татарлар — 27 874 Қазақтар — 11 691 Белорустар — 8380 Армяндар — 7850 Әзербайжандар — 7366 Чуваштар — 4147 Еврейлер — 3322 Цыгандар — 2835 Тәжіктер — 2784

Мордвалар — 2608 Корейлер — 2154 Өзбектер — 2047 Езидтер — 1987 Марилер — 1661 Қытайлар — 1423 Грузиндер — 1417 Эстондар — 1399 Поляктар — 1288 Молдовандар — 1144 Башқұрттар — 1104

2010 жылғы бүкілресейлік халық санағының мәліметтері бойынша (адам):

Орыстар — 2 365 845 Немістер — 30 924 Украиндар — 22 098 Татарлар — 24 158 Өзбектер — 12 655 Қазақтар — 10 705 Тәжіктер — 10 054 Армяндар — 9508 Әзербайжандар — 8008 Қырғыздар — 6506 Белорустар — 5382

Әкімшілік-аумақтық бөлінуі

Жаңасібір облысының құрамына 15 қала (соның ішінде 8 облыстық бағыныстағы қала), 30 әкімшілік аудан, 17 қала үлгісіндегі поселке, 428 ауылдық әкімшілік кіреді.

Дереккөздер

1. Администрация Новосибирской области, «Область» (қолжетпейтін сілтеме)

Ортаққорда бұған қатысты медиа санаты бар: Жаңасібір облысы