Қазақстан әнұраны

Қазақстан Республикасының Мемлекеттік Әнұраны — Қазақстан мемлекеттік рәміздерінің бірі, Менің Қазақстаным әніне негізделген.

Менің Қазақстаным

Әнұранның мәтіні және ноталары
Қазақстан әнұраны
Сөзін жазған	Жұмекен Сабырұлы Нәжімеденов Нұрсұлтан Назарбаев
Композиторы	Шәмші Қалдаяқов
Бекітілді	2006 жыл
Әнұран (сөзі, әні)
Менің Қазақстаным (Айдар Торыбаев жетекшілігімен Опера және Балет ҚР Мемлекеттік Театры ән тобы мен ҚР Мемлекеттік Симфониялық Оркестрі)

Қазақстан әнұраны
1. Қазақ КСР-ның (ССР-ның) Мемлекеттік Әнұраны (1943—1992) noicon
2. Қазақстан Республикасының Мемлекеттік Әнұраны (1992—2006) noicon
3. Менің Қазақстаным (2006 жылдан бастап) noicon

Республиканың қазіргі әнұраны 2006 жылғы 6 қаңтарда қабылданды. «Менің Қазақстаным» әнұран ретінде алғашқы рет Нұрсұлтан Назарбаевтың ұлықтау рәсімі кезінде орындалды.

Мәтіні

Қазақстанның бейресми әнұраны атанған Шәмші Қалдаяқовтың "Менің Қазақстаным" әнінің мәтіні аз кем өзгертілді. Мәтін авторы ретінде Н.Назарбаев өз ұсыныстарын енгізді. Ол алғаш рет Нұрсұлтан Назарбаевтың ұлықтау рәсімі кезінде орындалды.

Қазақстан Республикасының Мемлекеттік Әнұраны (2006)

Алтын күн аспаны, Алтын дән даласы, Ерліктің дастаны, Еліме қарашы! Ежелден ер деген, Даңқымыз шықты ғой. Намысын бермеген, Қазағым мықты ғой! Менің елім, менің елім, Гүлің болып егілемін, Жырың болып төгілемін, елім! Туған жерім менің — Қазақстаным! Ұрпаққа жол ашқан, Кең байтақ жерім бар. Бірлігі жарасқан, Тәуелсіз елім бар. Қарсы алған уақытты, Мәңгілік досындай. Біздің ел бақытты, Біздің ел осындай! Менің елім, менің елім, Гүлің болып егілемін, Жырың болып төгілемін, елім! Туған жерім менің — Қазақстаным!

Тарихы

Қазақ КСР әнұраны

Толық мақаласы: Қазақ КСР әнұраны

Қазақ КСР Мемлекеттік Әнұраны

Қазақ КСР байрағы
Қазақ КСР әнұраны
Сөзін жазған	Әбділда Тәжібаев, Қайым Мұқамедханов, Ғабит Мүсірепов
Композиторы	Мұқан Төлебаев, Евгений Брусиловский, Латиф Хамеди
Бекітілді	1943–1945
Жойылды	1992
Әнұран (сөзі, әні)
Қазақ КСР Мемлекеттік Әнұраны

1943 жылы Қазақ КСР-ның алғашқы Мемлекеттік Әнұранын жасауға байқау жарияланған болатын. Соңғы нұсқасы ретінде Мұқан Төлебаев, Евгений Брусиловский мен Латиф Хамидидің әуеніне жазылған Әбділда Тәжібаевтің, Қайым Мұқамедханов, Ғабит Мүсіреповтің мәтіні қабылданды. Кейбір деректер бойынша сол әнұран мәтінінің толыққанды авторы Қайым Мұқамедханов болып табылады, ал басқа авторлардың үлесі мәтін басындағы «ер қазақ»-тан «біз қазақ»-қа ауыстыруымен шектеледі. Әнұран 1945 жылы бекітілді. Кеңестік дәуірдегі әнұранының сөзі коммунистік идеология талабына сай, жалған оптимистік рухта жазылған еді.

1992–2006 жылдардағы Қазақстан Республикасының әнұраны

Қазақстан Республикасының Мемлекеттік Әнұраны

Қазақстан әнұраны
Сөзін жазған	М. Әлімбаев, Тұманбай Молдағалиев, Қадыр Мырза Әлі, Жадыра Дәрібаева
Композиторы	Мұқан Төлебаев, Евгений Брусиловский, Латиф Хамеди
Бекітілді	1992
Жойылды	2006
Әнұран (сөзі, әні)
Қазақстан Республикасының Мемлекеттік Әнұраны

Тәуелсіздік алғаннан кейін қазақтардың бірнеше ұрпақтарының көпғасырлық арманы — азаттық пен зайырлылықты бейнелейтін жаңа әнұранын әзірлеу қажеттігі туындады.

Соған байланысты 1992 жылы республика әнұранының мәтіні мен әніне конкурс жарияланды. Комиссия іріктеуіне барлығы 750 жоба келіп түсті. Конкурста төрт ақынның: Мұзафар Әлімбаев, Қадыр Мырза Әлі, Тұманбай Молдағалиев және ақын Жадыра Дәрібаеваның бірлесіп жазған мәтіні жеңіске жетті. Әнұран әні сол күйінде қалдырылды, алғашқы авторлары Мұқан Төлебаев, Евгений Брусиловский және Латиф Хамиди еді.

Қазақстан Республикасының 1992-2006 жылдардағы Мемлекеттік Әнұраны

Жаралған намыстан қаһарман халықпыз, Азаттық жолында жалындап жаныппыз. Тағдырдың тезінен, тозақтың өзінен Аман-сау қалыппыз, аман-сау қалыппыз. Еркіндік қыраны шарықта, Елдікке шақырып тірлікте! Алыптың қуаты — халықта, Халықтың қуаты — бірлікте! Ардақтап анасын, құрметтеп данасын, Бауырға басқанбыз баршаның баласын. Татулық, достықтың киелі бесігі - Мейірбан Ұлы Отан, қазақтың даласы! Еркіндік қыраны шарықта, Елдікке шақырып тірлікте! Алыптың қуаты — халықта, Халықтың қуаты — бірлікте! Талайды өткердік, өткенге салауат, Келешек ғажайып, келешек ғаламат! Ар-ождан, ана тіл, өнеге-салтымыз, Ерлік те, елдік те ұрпаққа аманат! Еркіндік қыраны шарықта, Елдікке шақырып тірлікте! Алыптың қуаты — халықта, Халықтың қуаты — бірлікте!

Тағы қараңыз

• Қазақстан елтаңбасы
• Қазақстан туы

Дереккөздер

1. Саяси түсіндірме сөздік. – Алматы, 2007. ISBN 9965-32-491-3
2. А. Белякина. Человек-легенда. — Алматы :2009. ISBN 978-601-06-0422
3. Қазақ әдебиеті. Энциклопедиялық анықтамалық. — Алматы: «Аруна Ltd.» ЖШС, 2010 жыл.ISBN 9965-26-096-6