Қарғалы ауданы

Қарғалы ауданы — Ақтөбе облысының солтүстігіндегі әкімшілік бөлік. Орталығы – Бадамша ауылы. Жер аумағы 5,0 мың км².

Қазақстан ауданы
Қарғалы ауданы
Әкімшілігі
Облысы	Ақтөбе облысы
Аудан орталығы	Бадамша
Ауылдық округтер саны	8
Ауыл саны	15
Әкімі	Нұрлыбек Амандоллаұлы Өнербаев
Аудан әкімдігінің мекенжайы	Бадамша ауылы, Әбілқайыр хан көшесі, №38
Тарихы мен географиясы
Координаттары	50°52′48″ с. е. 58°09′00″ ш. б. / 50.88000° с. е. 58.15000° ш. б. / 50.88000; 58.15000 ^(G) ^(O) ^(Я)Координаттар: 50°52′48″ с. е. 58°09′00″ ш. б. / 50.88000° с. е. 58.15000° ш. б. / 50.88000; 58.15000 ^(G) ^(O) ^(Я)
Құрылған уақыты	1934
Жер аумағы	5 мың км²
Уақыт белдеуі	UTC+5:00
Тұрғындары
Тұрғыны	15 370 адам (2023)
Тығыздығы	3,1 адам/км²
Ұлттық құрамы	қазақтар (62,54%), орыстар (18,84%), украиндар (9,73%), немістер (4,49%), татарлар (1,36%), басқалары (3,04%)
Сандық идентификаторлары
Телефон коды	+7 71342
Пошта индексі	030500-030513
Автомобиль коды	04
Қарғалы ауданының әкімдігі

Географиялық орны мен жер бедері

Аудан батысында Мәртөк ауданымен, оңтүстігінде Ақтөбе қаласы және Хромтау ауданымен, солтүстігінде Ресейдің Орынбор облысымен шектеседі. Аудан жерінің басым бөлігі жазық, төбелі-бөктерлі жерлер де кездеседі. Солтүстігінде Орал тауларының оңтүстік сілемдері бар. Аймақта тұщы жер асты сулары мен минералды сулардың үлкен қоры бар. Аудан экономикасы - ауыл шаруашылығы мен мал шаруашылығына негізделген.

Климаты

Аймақтың климаты күрт континенталды. Қаңтардың орташа температурасы -20 -25°С, шілде айында +25-27°С. Жауын-шашынның орташа жылдық түсімі 125-250 мм.

Тарихы

1935 жылы 16 ақпанда Степной ауданы болып құрылды. Орталығы Қосестек ауылы болды.

1957 жылы 26 қыркүйекте таратылған Родников ауданының бір бөлігі Степной ауданына қосылды.

1962 жылы 11 қазанда Ақтөбе облыстық атқару комитетінің шешімімен Степной ауданы таратылып, жері Новороссия және Мәртөк аудандарына берілді.

1966 жылы 31 қаңтарда бұрынғы Степной ауданының аумағында Ленин ауданы құрылды. Орталығы Қосестек (кейін Ленинское) ауылы болды.

1967 жылы 18 наурызда Ленин ауданының орталығы Ленинское ауылынан Бадамша кентіне көшірілді.

1997 жылы 17 маусымда Президенттің Жарлығымен Ленин ауданы Қарғалы ауданы болып аталды.

Халқы

1939	1959	1970	1979	1989	1999	2009	2021
13392	▲32554	▼28453	▼21811	▼20454	▼19172	▼16781	▲16899

Тұрғындар саны 17107 адам (2019). Ұлттық құрамы: қазақтар (62,23%), орыстар (19,02%), украиндар (9,99%), немістер (4,45%), татарлар (1,36%), басқалары (2,95%).

Әкімшілік бөлінісі

Аудандағы 15 елді мекен 8 ауылдық округ пен 1 ауылдық әкімдікке біріктірілген:

Әкімшілік бірлік	Орталығы	Елді мекендері	Халқы (2021)
Ащылысай ауылдық округі	Ащылысай ауылы	4	▼1277
Әлімбет ауылдық округі	Әлімбет ауылы	1	▼837
Бадамша ауылдық округі	Бадамша ауылы	1	▲5868
Велихов ауылдық округі	Велиховка ауылы	2	▼319
Желтау ауылдық округі	Петропавловка ауылы	1	▲2453
Кемпірсай ауылдық округі	Жосалы ауылы	2	▼738
Қосестек ауылдық округі	Қосестек ауылы	1	▼1496
Степной ауылдық округі	Степное ауылы	2	▼890
Шәмші Қалдаяқов ауылдық әкімдігі	Шәмші Қалдаяқов ауылы	1	▼1407

Ірі елді мекендері

Атауы	Халқы (2021)
Бадамша	▲5824
Петропавловка	▲2453
Қосестек	▼1496
Шәмші Қалдаяқов (Александровка)	▼1404
Әлімбет	▼837
Ащылысай (Григорьевка)	▼784
Степное	▼592
Жосалы	▼574

Дереккөздер

1. Қазақстан Республикасы халқының жынысы және жергілікті жердің типіне қарай саны (2023 жылғы 1 қаңтарға)
2. Қазақстан Республикасы халқының жекелеген этностары бойынша саны (2022 жыл басына)
3. Қазақстан почталық индекстері
4. Ресей империясы, КСРО халық санақтары
5. ҚР халық санақтары Мұрағатталған 10 қазанның 2023 жылы.