Ферғана жотасы

Ферғана жотасы
қыр. Баргана тоо кыркасы
Сипаттамасы
Тау жүйесі	Тәңір тауы
Ұзындығы	225 км
Ені	62 км
Ең биік шыңы	Үшсейіт
Биіктігі	4692 м
Орналасуы
41°00′15″ с. е. 73°56′16″ ш. б. / 41.00417° с. е. 73.93778° ш. б. / 41.00417; 73.93778 (G) (O) (Я)Координаттар: 41°00′15″ с. е. 73°56′16″ ш. б. / 41.00417° с. е. 73.93778° ш. б. / 41.00417; 73.93778 (G) (O) (Я) (T)
Елдер	Қырғызстан
Ферғана жотасы

Ферғана жотасы (қыр. Баргана тоо кыркасы) — Тәңір тауындағы тау тізбегі. Оңтүстік-шығыстан солтүстік-батысқа қарай 225 км-ге созылып жатқан жота Ферғана аңғарын Ішкі Тәңір тауынан бөліп жатыр. Оңтүстік-шығыста жотаның ең биік жерінде Сеуік асуы арқылы Торықарт және Алайқу жоталарымен түйіседі.

Жота ұзын және көлбеулеу оңтүстік-батыс беткейлері мен тік солтүстік-шығыс беткейлері бар асимметриялық құрылымға ие. Ферғана жотасының сілемдеріне Бабашата, Суығантас, Сүрінтөбе және басқа да бірқатар жоталар жатады. Жотаның беткейлерін Қарақұлжа, Қараүңгір, Құлын, Жазы, Алабұқа өзендерінің шатқалдары ажыратып жатыр. Жотаға жататын ірі көлдер – Құлын және Қарасу.

Жотаның баурайында ерекше қорғалатын табиғи аумақтар ұйымдастырылған: Құлыната мемлекеттік қорығы, Саймалытас мемлекеттік ұлттық табиғи паркі, Қарашора ұлттық паркі және т.б. Беткейлері қара қылқан жапырақты және арша ормандарымен көмкерілген, оның жоғары қарай таулы альпі шалғындары бар. Ферғана жотасының батыс беткейінде, Арыстанбаб ауылының маңында қалдық жаңғақ ормандары өседі – бұл төрт жаңғақ алқабының бірі және республикадағы ең үлкені болып саналады. Таулардың жоғарғы бөлігінде 383 мұздық бар.