Туыстық атаулары

Туыстық атаулар — туыстық қарым-қатынасты білдіретін ұғымдар.

• Ата - баланың әкесінің және анасының әкелері.
• Әже - баланың әкесінің және анасының шешелері. Одан арғылары үлкен әже деп аталады.
• Әке - баланың ата-анасының бірі.
• Ана, шеше - баланы дүниеге әкелген әйел.
• Аға - бір әкеден немесе бір шешеден туылған, бауырлар арасында жасы үлкен ұл.
• Іні - Жасы бойынша кіші ұл.
• Бауыр - бір әке-шешенің балалары.
• Әпке, апа, әпше - жасы бойынша үлкен қыз бала.
• Сіңілі - қыз бауырлар арасындағы жасы бойынша кішісі.
• Қарындас - ұлдан кейінгі туылған қыз бала. Бұл туыстық атауды ер адамдар тек өзінен кіші қыз балаға айтады.

• Абысын - ағайынды адамдардың әйелдері.
• Бажа - бір адамның немесе ағайынды кісілердің қыздарына үйленген адамдар.
• Бөле - бірге туған апалы-сіңілі кісілердің балаларының арасындағы туыстық қатынастың атауы.
• Балдыз - әйелінің (жарының) сіңлілері (Оңтүстік Қазақстанда). Басқа өңірлерде інілерін де балдыз деп айтады.
• Ене - жарының аналары.
• Құда - баланың жары(әйелі немесе күйеуі) жағынан туыстық қатынасын білдіретін сөз, сондай-ақ олардың аталары, әкелерінің атауы.
• Құда бала - құдасының баласы (ұлы) т.б. жасы кіші туысы.
• Құдағи - Күйеу мен қалыңдықтың шешелері немесе әжелері (құдандал адамдардың әйелдері).
• Құда-жекжат - ілік-шатыс құда адамдар.
• Құдандалы - қыз алысып, қыз беріскен, сүйек шатысы бар адамдар.
• Құдаша - ерлі-зайыпты адамдардың жасы кіші әйел туыстары (құдандалы адамдардың қыздары).
• Жиеншар - жиеннен туған бала.
• Жиен - күйеуге шыққан қыздан туған бала.
• Жеңге - атаның, жасы үлкен туыстардың әйелі.
• Жезде - апаның, жасы үлкен туыстардың күйеуі.
• Күйеу - әйелдің ері, жұбайы.
• Келін - ата-ана үшін баласының әйелі де, жасы үлкен ағалары мен туысқандары үшін інісінің әйелі.
• Қайын - жары жағынан туыстық қатынасын білдіретін сөз.
• Қайын аға - ерлі-зайыптылардың туған және туысқан ағаларының оларға туыстық қатынасы.
• Қайын ата - күйеу мен келіннің туған әкелерінің оларға туыстық қатынасы.
• Қайын ене - күйеу мен келіннің туған шешелерінің оларға туыстық қатынасы.
• Қайын бике - күйеу мен келіннің туған әпкелерінің оларға туыстық қатынасы.
• Қайын сіңілі - күйеудің қарындастарының әйеліне туыстық қатынасы.
• Қайын іні - ерлі-зайыптылардың өздерінен кіші ұл бауырлары.
• Нағашы - ана жағынан туыстық қатынасын білдіретін сөз.

• Ана
• Әке
• Ата