Мәсімхан Бейсебайұлы Бейсебаев

Мәсімхан Бейсебайұлы Бейсебаев (22 қараша 1908, Елтай ауылы, Верный уезі, Жетісу облысы, Ресей империясы — 23 маусым 1987, Алматы, Қазақ КСР) — кеңестік партия қайраткері, әр жылдары Қазақ КСР Министрлер Кеңесінің төрағасы, 1966-1971 жылдары КОКП ОК мүшесі болған.

Мәсімхан Бейсебайұлы
Лауазымы
Ту Қазақ КСР Министрлер Кеңесінің Төрағасы Ту
7 желтоқсан 1964 — 31 наурыз 1970
Ізашары	Дінмұхамед Қонаев
Ізбасары	Бәйкен Әшімұлы
13 қыркүйек — 26 желтоқсан 1962
Ізашары	Сәлкен Дәуленұлы
Ізбасары	Дінмұхамед Қонаев
Ту Қазақ КСР Министрлер Кеңесі төрағасының бірінші орынбасары Ту
26 желтоқсан 1962 — 7 желтоқсан 1964
1955 — наурыз 1958
Ту Қазақстан КП Алматы облыстық комитетінің бірінші хатшысы
1958 — 1962
Ізашары	Григорий Галайдин
Ізбасары	Рақым Байғалиұлы
Қазақстан К(б)П/КП Көкшетау облыстық комитетінің бірінші хатшысы
1952 — 1954
Ізашары	Айып Орашұлы
Ізбасары	Михаил Рогинец
Ту Қазақстан К(б)П Еңбекшіқазақ аудандық комитетінің бірінші хатшысы
? — 1943
Ізашары	белгісіз
Ізбасары	белгісіз
Ту Алматы облыстық атқару комитетінің төрағасы
1942 — 1943
Ізашары	Садық Шәріпұлы
Ізбасары	Құрман Диярұлы
Өмірбаяны
Партиясы	БК(б)П / КОКП
Білімі	1. Алматы ауыл шаруашылық техникумы 2. КОКП ОК қарамағындағы жоғары партия мектебі
Мамандығы	агроном
Дүниеге келуі	22 қараша 1908 (1908-11-22) Елтай ауылы, Верный уезі, Жетісу облысы, Ресей империясы
Қайтыс болуы	23 маусым 1987 (1987-06-23) (78 жас) Алматы, Қазақ КСР
Жерленді	Кеңсай зираты
Марапаттары
өңдеу

Өмірбаяны

1908 жылы 22 қарашада Ресей империясының Жетісу облысы Верный уезі, Елтай ауылында (қазіргі — Алматы облысы, Қарасай ауданы) кедей шаруаның отбасында дүниеге келген. Ол Ұлы жүздегі Дулаттың ішінде Ботпай руының Қоралас руынан шыққан.

1925 жылдан бастап Алматы ауылшаруашылық техникумының студенті болды, оны 1931 жылы кіші агроном мамандығы бойынша бітірді.

• 1931 — 33 жылдары Қазақ АКСР-і Егіншілік халкоматында жұмыс істеді.
• 1933 — 36 жылдары Алматы ауыл шаруашылығы техникумының директоры болды.
• 1936 — 41 жылдары Қазақстан К(б)П ОК-нің және Алматы облытық партия комитетінің аппаратында жауапты қызметтер атқарды.
• 1941 — 42 жылдары 2-дүниежүзілік соғысқа қатысты.
• 1942 — 70 жылдары Алматы облыстық атқару комитетінің төрағасы, Қазақстан КП Ақмола облыстық атқару комитетінің 2-хатшысы, Көкшетау облыстық атқару комитетінің 1-хатшысы, ҚазКСР-і Министірлік Кеңесі төрағасының 1-орынбасары (1954 — 58) және төрағасы (1964 — 70) болды.
• 20 ғасырдың 60-жылдарының 2-жартысында Қазақстандағы шаруашылық реформалардың жүзеге асырылуына елеулі үлес қосты. Бейсебаевтың басшылығымен Қазақстанда титан, магний, синтетик, каучук, полиэтилен, т.б. өндіріс түрлері қолға алынды. Өскемен конденсатор, Кентау трансформатор, Семей кабель зауыттары іске қосылды. Химия өнеркәсібі қуатты салаға айналып, Маңғыстаудағы мұнай және газ орындары игеріле бастады. Жеңіл және тамақ өнеркәсібі дамып, көлік, байланыс жүйелері жақсарды, Рудный, Ақтау сияқты жаңа қалалар бой көтерді. Бейсебаев Қытайдан Қазақстанға оралған 20 мыңнан астам отандастарымызды қабылдап, ата мекенге орналастыруда зор еңбек сіңірді.
• Көптеген ордендер, медальдeрмен марапатталған.

Дереккөздер

1. Жетісу энциклопедия. - Алматы: «Арыс» баспасы, 2004 жыл. — 712 бет + 48 бет түрлі түсті суретті жапсырма. ISBN 9965-17-134-3