Рысқали Ғабдығаппарұлы Сисатов

Рысқали Ғабдығаппарұлы Сисатов 1948 жылы 1 қараша күні Батыс Қазақстан облысы Чапаев ауданының Таубірат ауылдық кеңесінде туған. Ұлты-Қазақ. Әкесі - Сисатов Ғабдығаппар (1925-1971). Анасы - Сисатова Кәбира (1925-2005). Батыс Қазақстан ауылшаруашылық институтының агро- экономика факультетін бітірген (1971), экономист-ұйымдастырушы. «Қайта құру қадамдары» (1970), «Жүз арал жері - таланттар Елі» (2001) кітаптарының; экономика және шаруашылық тақырыбындағы 67 мақаланың авторы. Қазақ және орыс тілдерін біледі. «Нұр Отан» ХДП мүшесі (2005 жылдан). 1971 жылдың тамызынан - Гурьев облысы Теңіз ауданы «Сүйіндік» қой өсіру кеңшарының бухгалтері, аға экономисі, бас экономисі. 1981 жылдың қаңтарынан - Сүйіндік қой өсіру кеңшары №1 фермасының басқарушысы. 1982 жылдың тамызынан - Гурьев облысы Теңіз ауданының Құрманғазы атындағы кеңшарында партия ұйымының хатшысы, 1986 жылдан - кеңшар директоры. 1990 жылдың қазанынан - «Сүйіндік» қой өсіру кеңшарының директоры. 1995 жылдың қазанынан - «Сүйіндік» ААҚ төрағасы. 1999 жылдың желтоқсанынан - Атырау облысы Құрманғазы ауданының әкімі. 2003 жылдың қаңтарынан - Атырау облысы Махамбет ауданының әкімі. 2010 жылдың наурызынан бері - Атырау облыстық Жер қатынастары басқармасының бастығы. Атырау облыстық Халық депутаттары кеңесінің, Атырау облыстық мәслихатының депутаты (1989-1994, 1995- 1999). «Құрмет» (1999), III дәрежелі «Барыс» (2005) ордендері- мен; КСРО ХІІІЖК Қола медалімен (1987), «Қазақстан Республикасының тәуелсіздігіне 10 жыл» (2001), «Қазақстан Конституциясына 10 жыл» (2005), «Астананың 10 жылдығы» (2008) медальдарымен; «Мәдениет қайраткері», «Бірінші ұлттық ауылшаруашылығы санағы» құрмет белгілерімен, ҚР Ауыл шаруашылық министрлігінің (1998), Атырау облыстық мәслихатының (1998) құрмет грамоталарымен марапатталған. Атырау облысы Махамбет ауданының Құрметті азаматы. Әскери атағы - капитан. Діни көзқарасы - ислам. Саяси қайраткер ретіндегі идеалы - Н.Ә. Назарбаев. Қазақстанның болашағы туралы болжамы - «Дамудың барлық салаларындағы гүлдену». Хоббиі - саяжайда жұмыс істеу. Сүйіп оқитын әдебиеті - тарихи шығармалар. Үйленген. Жұбайы - Ахметова Мунира Ғалымқызы, зей- неткер. Ұлдары - Ғабдықапаров Нұрлыбек Рысқалиұлы (1970 жылы туған), медицина ғылымдарының кандидаты, Ғабдығапаров Манарбек Рысқалиұлы (1972 жылы туған), Ғабдығапаров Асылжан Рысқалиұлы (1981 жылы туған); қызы - Ғабдығапарова Ақмарал Рыскалиқызы (1975 жылы туған).

Дереккөздер

1. Қазақстан Республикасында кімнің кім екені. Екі томдық анықтамалық. Алматы, 2011 жыл. ISBN 978-601-278-473-2